Siku chache baada ya meneja wa Wells Fargo HR Willis Ayieko kutoweka, gari lake lilipatikana likiwa limetelekezwa Picha za CCTV zilinasa wanaume wawili wakiacha gari la Ayieko karibu na kituo cha mafuta huko Sabatia Wapelelezi wanatumai kuwatambua watu hao ili kutoa taarifa muhimu kuhusu jinsi walivyopata gari hilo Read

Wapelelezi wanachunguza picha za CCTV zinazoonyesha wanaume wawili wakiegesha gari la jamaa aliyetoweka.

Willis Ayieko, Meneja mkuu wa Rasilimali Watu katika kampuni ya Wells Fargo, amepotea kwa siku nne sasa. Ayieko alionekana mara ya mwisho siku ya Ijumaa, Oktoba 18, akihudhuria mazishi katika Eneo Bunge la Gem, Kaunti ya Siaya. Alitarajiwa kuhudhuria shughuli nyingine huko Kakamega siku iliyofuata, lakini hakufika. Siku kadhaa baadaye, gari lake aina ya Ford lenye cabin mbili lilipatikana limetelekezwa karibu na kituo cha mafuta huko Sabatia.

Aliongeza kuwa kuwatambua wanaume hao kunaweza kutoa taarifa muhimu kuhusu jinsi walivyopata gari hilo na kama Ayieko alikuwepo wakati huo. Kesi ya kupotea kwa Ayieko ilijulikana kwa umma mwishoni mwa wiki wakati watumiaji wa mitandao ya kijamii waliokuwa na wasiwasi walianza kusambaza picha zake mtandaoni, wakiomba habari kuhusu alipo. Polisi wana matumaini kwamba kubaini utambulisho wa wanaume wawili waliorekodiwa kwenye picha za CCTV kutatoa majibu, huku msako wa kumtafuta Bwana Ayieko ukiongezeka.